Dunia Sukab - Sukab & Nasionalisme

Sukab tampak serius dengan kibulnya, dalam kerumunan sesama mereka yang mengandalkan cangkul dan pengki untuk menyambung hidup.

“Nasionalisme ternyate mingsih bunyi,” ujarnya sambil membersihkan lumpur galian kabel di betisnya dengan air dari pipa bocor, “biar jagoan, kalok bukan warge negare Indonesia ya jangan dijadiin menteri dong.”

“Kok bisa ya?” Tanya Sanip.

“Ude, ude, kagak perlu nyari siape nyang sale, nggak penting banget.”

“Ape dong nyang penting?”

“Nasionalisme itu! Nyang biasenye nggak kerase ade, ujug-ujug jadi ade.”

“Wueizzzz!”

“Eh, cius ni, soalnye kalok ade orang lahirnye di Indonesia tapi sumpe setienye ame Amerika Serikat, perlu diomongin sebab-musababnye.”

“Jelaslahyaw, emangnye iseng-iseng?”

“Oooh, bisa juga tadinya iseng-iseng siapa tahu dapet kartu ijo.”

“Kartu ijo?”

“Itu izin netep terusan di Amrik.”

“Beda dong ame jadi warga.”

“Justru itu, lebih cius kan kalok jadi warga? Tapi sumangetnye semule bise iseng-iseng, siape tau ketrima kan lumajang!”

“Kota Lumajang mangsudnye?”

“Lumayan, bego, kagak gaul banget sih elu Nip!”

“Hokai, be-te-we kenape tuh orang pade mau jadi warge negare Amrik padahal di sono kagak bise numbu tuh pohon pete dan jengkol.”

“Oalah Nip, Nip, pete jengkol lu bela-belain,” ujar Sukab sembari kagak ade abisnye geleng-geleng kepale, “kalok entar ude punye doru mau pesen pete jengkol sekarung, suru kirim pake Gojek … eh, Fedex, kan bise!”

“Doru?”

“Bego lagi! Orang Jepang kalok bilang dollar kan doru!”

“Elulah nyang paye Kab, ngomong campur-campur begicu!”

“Bego ketige! Emangnye ape nyang kagak campur-lebur zaman sekarang ini Nip? Istilah ‘Indonesia’ aje bukan dari Indonesia.”

“Huwaduuuhhh .” Sanip garuk-garuk kepale, padahal tangan doi mingsih penu lumpur kering dari galian kabel.

“Tapinye meski semuanye ude campur-lebur, nyang namenye nasionalisme, ideologi asing juge tadinye, ternyate mingsih nyetrum kalok ada orang baek-baek angkat sumpe setie jadi warge negare lain.”

“Orang begitu lu bilang baek-baek ..”

“Gue bilang baek-baek karena doi emang baek-baek,” ujar Sukab cius berat, “nyang cume nyari doru gue kagak omongin, itu mah cume orang biase nyang nasionalismenye seupil dibanding oportunismenye ..”

“Opor? Opor ayam?”

“Huss! Oportunisme tuh pikiran nyang naro kesempetan sebagai panglima.”

“Kayak maling dong, nunggu kesempetan mulu.”

“Huss lagi! Ini nyang halal!”

“Itu nyang lu bilang orang biase, cuman mau cari makan, lha kalok orang baek-baek?”

“Ini kebalik, banyak orang Indonesia nyang pinternye selangit, mau kasi kepinterannye buat bangse dan negare, eh kagak bise!”

“Mane bole jadi tuh kagak bise!”

“Iyalah! Lu pikir orang eksil misalnye, nggak kurang-kurangnye nyang pinter dan bener-bener mikirin Indonesia, tapi boro-boro berbakti kalok balik aje ditangkep, mangkanya jadilah doi warge negare tempat doi ngungsi itu!”

“Itu nyang urusannye politik, yang kagak ade urusan politik kok nggak balik juga?”

Sukab seperti perlu ancang-ancang untuk menjawab yang satu ini. “Kalau itu masalah bukan ame orangnye, tapi ame negeri kite tercinte ini Nip.”

Sanip mengerjap-ngerjapkan matanya. “Si Doi nyang kagak balik, kok negeri kite nyang sale ..”

“Niiiiip! Ude gue bilang jangan nyari siape nyang sale, tapi periksalah sebabnye! Pegimane doi balik kalok di negeri ini emang kagak ade tempat nyang bise nampung kebisaannye? Emang elu pikir Herr Habibie itu kalau nggak dipanggil pulang Pak Harto, lantas bakalan ngelamar pekerjaan di pabrik pesawatnya Paimo? Nggak ada juga kan? Yang kayak gini ini banyak, dalam seribu satu bidang ilmu. Jangan nyepelein otak orang Indonesia, Nip! Mereka ini juga pengin dan mampu jadi orang berguna!”

“Tapi negeri ini belum bisa menampung bidang ilmu dan tingkat kemampuan yang dikuasainya!”

“Itu dia! Kan sayang kalau disuruh asal kerja seadanya, orang pada tingkat kemampuan ini pasti mikirnya, kalau nggak bisa berguna untuk Indonesia, ya masih bisa berguna untuk dunia, untuk sesama manusia juga.”

“Waduh, rugi dong kita!”

“Hehe! Melihatnya mesti sebagai sumbangan Indonesia untuk dunia!”

“Wueeeizzz!”

“Ajaib kan? Tapi bagi gue tetap rasanya mak sengkring kalau mendengar orang yang sepertinya Indonesia, ternyata bersumpah setia jadi warga negara lain.” []


(Artikel ini telah dimuat di rubrik Udar Rasa, Harian KOMPAS, 21 Agustus 2016)

Nantikan kehadiran Dunia Sukab yang akan melengkapi seri sastrawan lokal Indonesia dari Noura Books.

Dunia Sukab